DE RUTAS POR VALDEORRAS

Día 1

A Ruta “Descubrindo a Vía Nova Romana en Valdeorras” trasládanos ata a época na que Roma construíu unha das súas vías de comunicación desde Asturica Augusta (Astorga) ata
Braccara Augusta (Braga) atravesando a comarca de Valdeorras. A coñecida como Via Nova ou Via XVIII está presente en Valdeorras e aínda hoxe en día pode verse parte do seu trazado. Nesta actividade realízase un pequeno percorrido a pé dun tramo deste trazado no Parque Natural Serra dá Lastra no Concello de Rubiá.
Nesta zona explícase como se construíu esta via e ensínanse algúns dos seus restos. O percorrido continúa coñecendo os viñedos en ladeira dunha adega familiar tanto da variedade godello como de garnacha centenaria. Adem as visítanse as instalacións desta adega e realízase unha cata degustación dun godello e un mencía acompañados duns petiscos.

Día 2

Roteiros de peregrinación e comunicación: A Rúa cruce de camiños (Inverno e Via Nova).

Neste concello valdeorrés conflúen dúas vías de comunicación con historia: a Via Nova Romana e a de peregrinación coñecida como Camiño de Inverno. Percorreremos uns 4 quilómetros do seu trazado coñecendo a historia de ambas as vías e doutros elementos históricos como a igrexa San Esteban, a lápida honorífica de Lucio Pompeio Reburro (o primeiro calubrigense do que se ten noticia e que serviu no exército romano), un miliario e a igrexa de Fontei ligada á posible presenza de Gaudí na vila.
Terminaremos nunha adega que forma parte da contorna da coñecida a Casa Grande de Fontei. Nela
visítanse as súas instalacións e cátanse dous dos seus viños (un godello e un mencía) cuns petiscos